0.jpg)
01.bmp)
الليلة برد
و إنت اللي وحدك ف المقام
سيدنا الحسين و الأوليا
خذلوك صحيح
مش لاقي لسؤالك جواب
الليلة برد
و إنت اللي راضي بجلستك
وسط الشيوخ و الشحاتين المجذوبين
و المبتلين بالعشق
بتداري خوفك بالتمسح ف الضريح
و إنت الذبيح
مش وصله روحك للسما
الليلة برد
و منين يجيلك الدفا
و البرد ساكن ف الضلوع
و البرد بيغطي المقام و الروح
أما البدن
بيحن ديماً للتراب
بتلم توبك تلتقي
تلاتي غلام مستنين
يتعلموا منك فصاحة
فتهم تمسك ف المقام
و بتبتهل
ما كانش ينفع تستمر ف كدبتك
مش منطقي أنك بتعد عنهم
و بيبتهل
كلام الناس و دسواس خناس
و بتبتهل
تورث أبوك حزناًو تورثه لغيرك
و بتبتهل
سيرتك وجع ف ودان عشيرة بتكرهك
و بتبتهل
و الصرخة منك تنتحر
قلبي خلاص مش حمل صبر
تسقط صريع التعب
و بتبتهل
و بتبتهل
و بتبتهل
و الليلة بررررررررد
5 comments:
الليله برد
والبرد واحه للنباح
ولو كان للنباح وصل
فوصله ممنوع الأنقطاع
--------------------------
وعليا الطلاق جامده يا راموس
وأنت أجمد يا مان
--------------------------
أحمد الشاعر
برواز من غير ملامح
parawiz.blogspot.com
حلوة اوى على فكرة
بس انت بتتأخر اوى كدة ليه
تحياتى
:)
الليلة حر
وف سراديب البدن شمسين
وألف شمعة فوق كفوفي مولعين
طالب الغفران لينهش كل ذنب برئ حزين
الوصل ذنبي
ومحاولتي في اللقا عصيان
وكل ناب لي بكسره
بيشبع الجعانين
حلمي الوصول والجمع
وصيام فتي عن لنتباه والقطع
شمس البدن قيداه
والروح هباب الشمع
---------------
وحشتني يا صاحب الخطوة، قدمت ليك خطوة
أفرشلي سكتك خطوات
في انتظار الوصل
صديقي العزيز
واحشني أويييييييييييييي
ياترى أخبارك إيه يا مدرس العربي
وحشتني أيام زمان
القصيدة حلوة أسلوبك ما اختلفش كتير عن زمان وخصوصا الموضوعات اللي بتتناولها
بس ياريت تخلي بالك من التكرار ياباشا
وكمان مش عارفة أقولك إيه ع الفصحى المتنطورة جوه الكلام بس هي ميزة بتميز أسلوبك عن غيرك
وانت من زمان كنت بتقرا للمختلفين وليك رؤيتك
للأمام يارامي
واستنى صدفة تانية تجمعنا تاني
وتحكيلنا ازاي زمان كان عندنا
فاطي
الليلة برد
حلوة القصيدة
ــــــــــــــــــــــــ
تحياتى
Post a Comment